HemmersGwüsst?

Damola & Timon

picture of Lightbulb

Wie fescht veränderet mer sich i 10 Jahr? Genau das Hemmer eus au gfragt. Mer redet über Zügs wo grad aktuell isch, eus interessiert oder eif grad ume isch. Viel spass bim zuelose vo eusem Podcast und bis gli :)

Podcast

S'Intro

S gaht los! Mit dem intro möchte mer euch begrüesse und churz informiere um was dases gaht bi üs. Beste dank bi all dene wo verbie lueged und losed ich hoffe es gfallt eu und falser mal gern debie wäred eif be eus melde :)

Was gebet eim wahri Fründe?

Wie gahts? was lauft momentan? und was bringed dir wahre fründe und fründschafte? Die drü frage hend eus dur die ersti Folg begleitet. Mer wünsched dir viel spass bim zuelose und en schöne:)

#2 Lebe nach em Weg vo de Eltere?

Nach langem geschwafel über de trump, elon musk und em brasiliansche regelwald hemer eus de ernstere theme begeh. Mini ziel und erwartige im lebe vs. erwartige und druck vo de eltere? Het mer und brucht mer überhaupt ziel im lebe? Über die frage hemer eus chli gedanke gmacht ih eusere zweite folg. Viel spass bim zuelose.

#3 Dur Motivation zum Ziel

Nach ere chürzere pause simmer zrug mit de dritte folg vo Hemmers Gwüsst? Hüt befasse mer eus mal chli mit em thema motivation. D’mischig zwüsche de frage was motiviert eus? Und was phaltet eus motiviert? mit de disziplin und em fliess het eus dur die hütig Diskussion gleitet. Wie immer danke viel mal fürs zuelose, viel spass debie und s’feedback ned vergesse :)

#4 Persönlichkeit Test

Höt hemmers ganze mal echli anders gmacht. Und zwar hemmer uf höt beidi de 16 personalties test usgfült und über d ergebnis diskutiert und gwerweist. Mer hoffet es isch für all echli öpis debie, für die wo de alte stiel me gefalle het oder eus ned eso guet kenned, kei sorge nächst mal chömmer weder zum alte zrug. Mer wünsched eu trotzdem wie immer viel spass bim zuelose und bis bald :)

#5 d'Selbstverständlichkeit vom Lebensstandart

Nach ere gwollte sowie ungewollte längere pause hemmer i de 5 folge vo eusem podcast serst mal miteme gast über es Thema diskutiert. Und zwar hemmer i der folg über dselbstverständlichkeit gredet mit welere mer hötzutags i euesem wunderschöne Land lebed. Zudem send na paar anderi themene dezue cho aber lönd eu überasche und viel spass bim zuelose:)

#6 Dateschutz und e chli Social Media

Dateschutz dies, dateschutz das?! Mer ghört immer wieder das eusi persönlichi date gschützt werded müesse, abr vo was und vo wem? S‘thema dateschutz isch heiss diskutiert ih de medie und mer hend chli eusi meinig welle erlütere und chli ufkläre ob eusi date überhaupt gschützt werded chönd. Als chlins extra gits no en biitrag über sgliebte social media danke fürs zuelose :)

#7 Fitnessboom: nachhaltig oder nur druck?

Hützutags triebt fast jede sport: segs kraft, usduur oder sust irgend eh sportart rund 50% vo de schwizer bevölkerig stuft sich als sehr aktiv ih. Doch da isch nöd immer so gsii. Warum und vo wo chunt de Fitnesstrend? Wie beihflusst eus das und was sind schattesiete vo dem? Paar frage wo mer eus gstellt hend und ih dere folg versueched beantworte. Mer send aber uf jedefall kei experte und chönd somit au ned behaupte das eusi tips 100% gsund send und für jede past. Trozdem wünschemer wie immer viel spass bim lose und hoffentlich nimsch au du öppis devo mit :)

#8 Statussymbol

Fashiontrend oder alles nur show?! Liebr de 700.- Gucci pulli oder längt de 100.- pulli vo nike? Liebr de neue mercedes c63 oder längt vorerst en billigere vw golf? Jugendlichi leged immer meh wert uf ihres üsserliche, seg es kleider, schmuck, oder autos. Und für das griffed sie gern tüüf is portmonnaie. Aber warum? Warum isch fashion zum statussymbol gworde und warum isch eus das so wichtig? Viel geld wird usgeh, um sis üsserlichi erschienigsbild zverbessere, aber cha mer sis geld nöd au no gschieder usnütze? Alles nur eh show?: Diskussion vo dere folg. Viel Spass bim zuelose

#9 Künstlichi Intelligenz: eusi Rettig oder euse Untergang?

Egal obs eim bewusst isch, jede vo eus isch scho mit künstlichi intelligenz (ki) ih irgende form in kontakt cho. Segs de spam ordner uf em laptop, google search, siri oder sogar de staubsuger roboter, künstlichi intelligenz isch ih eusem alltag allgegewärtig. Doch vieli mensche hend es verfälschts bild überd KI. Mer wönd ih dere folg mit eusem limitierte wüsse eus gegesietig ufkläre überd grenze und möglichkeite vo ki und wie sie de menschheit wieterhilft oder au schadet. Danke fürs zuelose und viel spass :)

About

timon

Timon Keller

Wie schriebt mer au echt en guete about me Text :) genau das hani mi au gfrögt bim schriebe. Ja guet glaub mini Oma wür sege: "De Timon isch en ufgstellte junge Mah". Nebem drüber nadenke was jetzt da stah sött, machi i minere Freizit sehr gern Sport und programmiere Websiete wie die. Nebebi studieri na iCompetence a de FHNW in Windisch wobie ich au scho glie wieder fertig bi :) Wasi nachher mache isch mer genau so klar wieni sichher bin, dass das ganze da na ergend en Sinn wird ergeh. Also dasi das jetzt ned na vollkomme versaue wünschi eu vell Spass bim wieterscrolle und bim lose vo eusem Podi. Ciao Zemme

Damola Agbelese

Nei, Damola isch kein Frauename! Lut mim Dad bedütet min name „Kinder bringen Reichtum“. Als Student bechumi leider wenig vo dem Richtum zspühre. Mis Lebe als Student? De ganz Tag vor em PC hocke und versueche us em Geschwafel vom Prof Sinn mache nur zum am abig Serie binge und de nöchst Tag genau sgliche mache. Aso nöd sehr spannend. Wasi sust no gern mache usserd Serie binge? Chli Fitness, chli sport und chli podcast. Würd gern sege ich lise gern abr da würd echli zwit gah. Sust was? Nee, schlussendlich sind ehr da zum en podcast lose. Viel spass

damola